I ha lang gmeint, i müessti mis Herz schütza. Es het Sache i mim Läbe geh, wo mi verletzt hend, und irgendwenn han i agfange Mure um mi ume z’boue – ganz ohni dass i’s richtig gmerkt han. Während dr Begleitig isch nöd plötzlich alles anders worde. Aber irgendöppis isch weicher worde. I han wieder meh chönne vertraue, meh zueloh und vor allem meh Mitgfühl für mi sälber entwicklet. Am meischte überrascht het mi, dass sich nöd nur mini Beziehiga zu andere verändert hend, sondern au die zu mir sälber. I bi weniger streng worde, han meh Verständnis für mi gha und cha hüt viel besser a näh, was isch. Es fühlt sich a, als hätt mis Herz wieder meh Platz zum Atme übercho.